சென்னை: தமிழ்நாடு தவ்ஹீத் ஜமாஅத், தென்சென்னை மாவட்டம், கிருஷ்ணாம்பேட்டை கிளை சார்பில், சென்னை அவ்வை சண்முகம் சாலை, லாயிட் ரோடு பகுதியில் 04.10.2026 அன்று டெங்கு காய்ச்சல் விழிப்புணர்வு பிரச்சாரம் நடைபெற்றது.
மழைக்காலங்களில் டெங்கு காய்ச்சல் பரவும் வாய்ப்பு அதிகரிப்பதால், பொதுமக்களிடையே டெங்கு குறித்த விழிப்புணர்வை ஏற்படுத்தும் நோக்கில் இப்பிரச்சாரம் மேற்கொள்ளப்பட்டது.
நிகழ்ச்சியில், டெங்கு காய்ச்சலைத் தடுப்பதற்கான முன்னெச்சரிக்கை நடவடிக்கைகள் குறித்து பொதுமக்களுக்கு எடுத்துரைக்கப்பட்டது.
குறிப்பாக, வீடுகள் மற்றும் சுற்றுப்புறங்களில் தண்ணீர் தேங்காமல் பார்த்துக்கொள்வது, கொசுக்கள் உற்பத்தியாகும் இடங்களை கண்டறிந்து அகற்றுவது, சுற்றுப்புறத்தைத் தூய்மையாகப் பராமரிப்பது உள்ளிட்ட தடுப்பு நடவடிக்கைகளின் அவசியம் குறித்து பொதுமக்களுக்கு விழிப்புணர்வு வழங்கப்பட்டது.
இதனைத் தொடர்ந்து, பிரச்சாரத்தின் ஒரு பகுதியாக பொதுமக்களுக்கு நிலவேம்பு கசாயம் விநியோகம் செய்யப்பட்டது. இதில் அப்பகுதி பொதுமக்கள் ஆர்வத்துடன் கலந்து கொண்டு பயனடைந்தனர்.
பொதுமக்களின் நலனை கருத்தில் கொண்டு நடைபெற்ற இந்த விழிப்புணர்வு பிரச்சாரம், டெங்கு காய்ச்சல் தடுப்பு மற்றும் சுகாதாரப் பாதுகாப்பு குறித்த விழிப்புணர்வை ஏற்படுத்தும் வகையில் அமைந்தது.