சான் பிரான்சிஸ்கோ: ஜூன் 23,
23-வது உலகக்கோப்பை கால்பந்து தொடர் அமெரிக்கா, மெக்சிகோ மற்றும் கனடாவில் நடைபெற்று வருகிறது. இந்த நிலையில், சான் பிரான்சிஸ்கோ ஸ்டேடியத்தில் இந்திய நேரப்படி இன்று காலை 8.30 மணிக்கு நடைபெற்ற ‘ஜே’ பிரிவு லீக் ஆட்டத்தில் அல்ஜீரியா மற்றும் ஜோர்டான் அணிகள் மோதின.
விறுவிறுப்பாக நடைபெற்ற இந்த ஆட்டத்தில், முதல் பாதியில் இரு அணிகளும் சமநிலையுடன் விளையாடின. எனினும், 2-வது பாதியில் அல்ஜீரியா அணி அதிரடியான ஆட்டத்தை வெளிப்படுத்தி ஆதிக்கம் செலுத்தியது.
இதன் பலனாக அல்ஜீரியா அணி 2 கோல்கள் அடித்தது. பதிலுக்கு ஜோர்டான் அணி ஒரு கோல் மட்டுமே அடிக்க முடிந்தது. இறுதியில், அல்ஜீரியா அணி 2-1 என்ற கோல் கணக்கில் ஜோர்டானை வீழ்த்தி முக்கியமான வெற்றியை பதிவு செய்தது.
இந்த வெற்றியின் மூலம் ‘ஜே’ பிரிவில் அல்ஜீரியா அணி தனது நிலையை மேலும் வலுப்படுத்தியுள்ளது. ஜோர்டான் அணி போராடிய போதிலும், வெற்றியை கைப்பற்ற முடியாமல் ஏமாற்றம் அடைந்தது.